Анџелина Џоли се огласи за војната во Украина: Се молам за народот, мораме да им помогнеме на бегалците
Анџелина Џоли се огласи за за ситуацијата во Украина. Холивудската актерка е позната по нејзината хуманитарна работа и желбата да им помага на луѓето кои живеат во загрозени делови на планетата.
Џоли со години е голем борец за човекови права, поради што не можеше да остане имуна на актуелната воена ситуација. По тој повод таа се огласи на својот инстаграм-профил каде го даде своето мислење и суд за руската инвазија на Украина.
„Како и многумина од вас, се молам за народот на Украина. Мојот фокус, како и фокусот на моите колеги од УНХЦР, е да се направи сè што е во наша моќ за да се обезбеди заштита и основните човекови права на раселените лица и бегалците во регионот“, напиша актерката.
View this post on Instagram
„Веќе видовме извештаи за жртви и луѓе кои бегаат од своите домови барајќи безбедност. Прерано е да се знае што ќе се случи, но значењето на овој момент не може да се пренагласи“, рече Анџелина.
Да потсетиме, Анџелина за првпат беше сведок на хуманитарната криза додека го снимаше филмот „Tomb Raider“ во 2001 година во воена Камбоџа. Во текот на изминатите неколку години, таа ги посети бегалските кампови ширум светот и донира милиони долари во добротворни цели.
Повеќе текстови на темата:
ВИДЕО | Трогателна глетка во Украина: Татко со солзи на очите се разделува од својата ќеркичка
„Љубовта може да победи сѐ“: Приказната зад фотографијата која го трогна светот
Руслана со трогателен апел: Светот ќе ни помогне и ќе ја запреме војната!
ФОТО | Украинската пејачка Џамала се огласи: Не сакаме војна, сакаме мир!
ВИДЕО | „Се молиме за вас“: Украинците ја претставија својата песна за Евровизија
ФОТО | Шон Пен е во Украина: Оскаровецот снима документарен филм за инвазијата на Русија