Андреас Трајковски постави нов македонски рекорд во скок во далечина
Македонскиот атлетичар Андреас Трајковски уште еднаш потврди дека годинава е во врвна форма, а тоа го докажа со поставување нов државен рекорд.
После вчерашната победа на атлетскиот митинг во Штутгарт (Германија), со скок од 7,67 метри, Трајковски настапи на атлетски митинг во скокачки дисциплини во германскиот град Хетинген каде прескокна 7,91 метри (+1,9 м/с) што претставува негов најдобар скок во кариерата и нов македонски рекорд.
Досегашниот рекорд кој исто така беше поставен од Трајковски на 24 мај оваа година изнесуваше 7,79 метри.
Одличната серија на скокови:
1 скок – 7,71
2 скок – х
3 скок – 7,81
4 скок – 7,86
5 скок – 7,53
6 скок – 7,91
Денеска Трајковски трипати го соборуваше досегашниот македонски рекорд (во 3 и 4 скок). Овој резултат е со вредност од 1118 бодови според таблицата на Светкса атлетика и сигурно следната недела ќе придонесе за нов скок на Светската и Европската ранг листа.
Да потсетиме, Трајковски е моментно е на 22 место на Европската ранг листа, а на 70 позиција на Светската ранг листа во дисциплината скок во далечина.