Алкараз пред Австралија опен: Сега сум на 70 или 75 отсто од полниот потенцијал
Светскиот рекет број два смета дека треба да се подобрува пред се во два аспекта, ментално и физички
Карлос Алкараз со 20 години веќе е комплетен тенисер способен да ги освои најголемите титули. Но, Шпанецот не е задоволен со себе.
Во едно неодамнешно интервју за Ле Фигаро, тој зборуваше за неговото ниво на игра и за сите работи што може да ги подобри.
– Јас сум на 70 или на 75 отсто од полниот потенцијал, веројатно. Имам многу работи за подобрување. Мојот тенис е добар, но исто така треба да се подобрам во два аспекта, ментално и физички, така што тоа е мешавина од сите тие работи. Имам само 20 години и имам уште многу простор за подобрување. Бидејќи тенисот постојано се развива, мора да се прилагодувате и да еволуирате со него – вели Алкараз.
За потсетување, светскиот рекет број два ќе се соочи со Французинот Ришар Гаске во првото коло на Австралија Опен што почнува в недела.
