Неколку месеци откако беше претставена првaта министерка создадена со вештачка интелигенција во Албанија, премиерот Еди Рама објави дека таа е „бремена“. Тој во своето обраќање на Глобалниот дијалог (BGD) во Берлин, рече дека министерката Диела треба да „роди“ 83 „деца“ со вештачка интелигенција, по едно за секој пратеник од Социјалистичката партија во парламентот, кои ќе служат како дигитални помошници во салите на власта, објави Metro.

„Денес презедовме доста голем ризик со Диела и се снајдовме многу добро. Значи, за прв пат, Диела е бремена и има 83 деца“ рече Рама.

Тој објасни дека „децата“, или помошниците, ќе ги документираат сите парламентарни постапки и ќе ги известуваат пратениците за сите дискусии или настани на кои не можеле да присуствуваат.

„Секој од нив ќе служи како помошник за оние кои ќе учествуваат на парламентарните седници и ќе води евиденција за сè што се случува и ќе предлага членови на парламентот. Овие деца ќе ја познаваат својата мајка“, рече тој.

ВИДЕО: Виртуелната албанска „министерка“ Диела се обрати преку Фејсбук