Австралија ја прогласи неделата за ден на национална жалост, одбележувајќи една недела откако две вооружени лица нападнаа еврејски празничен собир на познатата плажа Бонди во Сиднеј, објави денес австралискиот премиер Ентони Албанезе, пренесува Најнњуз.

„Овој ден ќе биде можност да се застане со еврејската заедница, да се прифати и да се сподели болката на сите Австралијанци“, рече Албанезе, најавувајќи дека земјата ќе им оддаде почит на 15-те жртви во недела, на 21 декември.

Австралискиот премиер, исто така, најави национална програма за купување огнено оружје во сопственост на граѓаните за да се намали нивниот број во оптек, по нападот на познатата плажа Бонди во Сиднеј во неделата.

„Ужасните настани во Бонди покажуваат дека треба да отстраниме повеќе огнено оружје од нашите улици“, рече Ентони Албанезе.

Австралија: Премиерот бара построги мерки против говорот на омраза