Серијата „Почудни нешта“ (Stranger Things) стигна до крајот, а последната сезона предизвика поделени мислења. Серијата успешно го достигна својот врв, лансираше нови ѕвезди и им обезбеди на актерите солидни хонорари, пишува „Дајрект“. Но, колку точно биле платени ѕвездите на серијата, прашање е кое интересира многумина.

Огромни хонорари за Рајдер и Харбур

На самиот врв на листата за хонорари се наоѓаат Винона Рајдер и Дејвид Харбур, кои спаѓаат во „првата категорија“ на актери. Според пишувањата на „Дајрект“ (The Direct), од третата сезона заработувале наводно 299.000 евра по епизода, додека за петтата и последната сезона добиле по 8,1 милион евра.

Како главни ликови, Џојс и Хопер, за целиот период на серијата заработиле околу 14,5 милиони евра секој. Рајдер наводно била најплатена ѕвезда, што не изненадува со оглед на нејзиниот статус во Холивуд, а токму нејзиното име на почетокот било еден од главните „магнети“ за гледачите.

Мили Боби Браун има сопствен договор со Нетфликс

Во центарот на приказната од самиот почеток се наоѓа Илевен, која ја игра Мили Боби Браун. На почетокот, ѕвездата заработувала помеѓу 17 и 25 илјади евра по епизода, но со текот на годините нејзините хонорари драстично пораснале. Според „Холивуд репортер“ (The Hollywood Reporter), Мили Боби Браун имала сопствен договор со Нетфликс, одвоен од остатокот на помладата актерска постава.

Со оглед на тоа што работела и на други проекти на Нетфликс, точниот износ на нејзината заработка од серијата не е познат, но нема сомнеж дека, со оглед на зголемувањата што ги добиле нејзините колеги, и таа добро поминала.

Останатата „млада“ актерска постава

Фин Волфхард, Гатен Матарaцо, Ноа Шнап и Калеб Меклахлин, како и Мили Боби Браун, за првите две сезони биле платени помеѓу 17 и 25 илјади евра по епизода. Сепак, од третата сезона нивниот хонорар пораснал на 213.500 евра по епизода.

Во оваа група подоцна се приклучила и Сејди Синк, а целата група за петтата сезона добила по 6 милиони евра. Тоа значи дека актерите кои биле во серијата од самиот почеток заработиле повеќе од 9 милиони евра.

Колку заработиле „постарите“ тинејџери?

Иако се малку постари, Наталија Дајер, Џо Кери и Чарли Хитон наводно спаѓале во третата платежна категорија, што значи дека од третата сезона примале по 128.100 евра по епизода. Тогаш им се приклучила и Маја Хок.

Нивниот хонорар за последната сезона наводно скокнал на дури 640.500 евра по епизода, што значи дека вкупно заработиле околу 7,3 милиони евра. Хок заработила нешто помалку бидејќи се приклучила подоцна.

Споредни актери

Сите останати актери биле платени значително помалку. На пример, Тристан Спон, кој се појавил во пет епизоди од четвртата сезона, како едно од децата од лабораторијата во Хокинс, објаснил дека бил платен околу 12 илјади евра по епизода. Тој бил наведуван како „гостинска ѕвезда со повторувачка улога“, па неговата плата била неколку категории пониска од главната актерска постава.