Актерот Хенри Кавил, ѕвездата на серијата „The Witcher“ и филмот „Supermаn“ е заинтересиран да го замени Даниел Крег во улогата на Џејмс Бонд, нешто што го наведе и во интервјуто за GQ.

– Ако продуцентката Барбара Броколи и ко-продуцентот Мајкл Вилсон се заинтересирани, јас веднаш би прифатил. Во оваа фаза, се е во воздухот. Ќе видиме што ќе се случи. Но да, би сакал да го играм Бонд и би бил многу, многу возбуден, изјави Кавил.

Хенри инаку еднаш беше еден од кандидатите да го игра Џејмс Бонд во филмот „Casino Royal”. Сепак, продуцентите на крајот го одбраа Даниел Крег. Имено, Хенри „не ги задоволил“ кога на аудицијата требало да ја одигра сцената во бањата, кога носел само пешкир.

– Веројатно требаше подобро да се подготвам. Се сеќавам дека режисерот Мартин Кемпбел ми кажа „Изгледаш малку буцкасто, Хенри“. Не знаев како да тренирам, ниту како да држам диета. Драго ми е што Мартин ми кажа нешто такво… Ми помага да бидам подобар, изјави Кавил во ноември минатата година за „Men’s Health“, а пренесува магазинот „People“.

Дали Хенри Кавил би бил добар избор за уогата на Џејмс Бонд оставаме да ни покаже времето.