Зверев ја потврди одличната форма, преку Херис во полуфиналето на УС Опен

Зверев ја оствари 16 победа по ред/ фото: EPA-EFE/JOHN G. MABANGLO

Германскиот тенисер Александер Зверев продолжува со одличните игри и ја оствари 16. победа по ред која му донесе пласман во полуфиналето на на УС Опен со 3:0 во сетови и тоа со 7:6,6:3,6:4 го победи Лојд Џорџ Херис од Јужќна Африка.

Херис беше рамноправен противник само во првиот сет кога и прв успеа да направи брејк за 5:3 но кога сервираше за сет, Зверев веднаш му го одзеде сервисот и тоа со нула за потоа да го освои тај-брејкот со 8:6.
Во вториот сет, Зверев веднаш го одзеде сервисот на Херис и поведе со 2:0, а предноста ја зачува до крајот на сетот.

Германецот тргна фуриозно и во третиот сет, направи два брејка на стартот и поведе со 3:0, Херис успеа да врати само еден брејк во шестиот гем но тоа беше се што стори на мечот. Зверев рутински го приведе дуелот до крајот и си обезбеди пласман во полуфиналето каде ќе игра со подобриот од мечот Новак Ѓоковиќ и Матео Беретини.

Видео на денот