Денеска со ждрепка се дознаа осминафиналните двојки во Лигата на Европа, а познат е и целокупниот „костур“ сè до борбата за титулата во второто по квалитет европско клупско фудбалско натпреварување.

Француски Лил кој ја елиминираше Црвена звезда во плејофот, за противник ја доби екипата на Астон Вила која важи за еден од фаворитите за пехарот оваа сезона во ЛЕ.

Италија сигурно ќе има учесник во четвртфиналната фаза, Болоња ќе се соочи со тимот на Рома.

Играчите на Винченцо Италијано за пласман во осминафиналето го елиминираа норвешкиот Бран, а римската „волчица“ се најде директно во четвртфиналето по освојувањето на осмото место во лигашката фаза.

Лига Европа
Осминафинале, двојки:

Ференцварош – Брага
Генк – Фрајбург
Штутгарт – Порто
Болоња – Рома
Панатинаикос – Бетис
Селта – Лион
Нотингем форест – Митјиланд
Лил – Астон Вила

The road to Istanbul 🗺️#UELdraw pic.twitter.com/5Gr8WLIMEj

— UEFA Europa League (@EuropaLeague) February 27, 2026

Првите натпревари од осминафиналето ќе се играат на 12 март, а реванш дуелите седум дена подоцна.

Победникот од натпреварот Лил – Астон Вила ќе се соочи со Болоња или со Рома во четвртфиналето, додека Нотингем форест – Митјиланд и Штутгарт – Порто се исто така извлечени на истата страна.

На другата страна од ждрепката, победникот од натпреварот Селта – Лион ќе се соочи со Генк или Фрајбург, додека подобриот од двомечот Панатинаикос – Бетис ќе игра против Ференцварош или Брага.

Финалето на Лигата на Европа ќе се игра на 20 мај 2026 година во Истанбул, Турција, на стадионот Бешикташ.