Во тешка сообраќајна несреќа што се случи утрово на патот Деве Баир – Крива Паланка, загина 56-годишен Косовец кој со камион излетал од патот, соопшти Министерството за внатрешни работи.

„Несреќата била пријавена во 04:50 часот во ОВР Крива Паланка. Според информациите, камион „сканиа“ со косовски регистарски таблички, управуван од 56-годишниот Н.Х. од Косово, излетал од магистралниот пат Деве Баир – Крива Паланка, во атарот на селото Узем. Од здобиените повреди, возачот починал на самото место. Смртта ја констатирал лекар од Итната медицинска помош“ соопшти МВР.

На местото на несреќата бил извршен увид од надлежните служби, а по наредба на јавен обвинител, телото на починатиот е предадено на обдукција. Причините за несреќата се утврдуваат.