Состојки:

За пандишпан:

5 јајца
200 гр шеќер
250 гр брашно
200 мл масло за јадење
300 мл варено македонско кафе
100 гр какао
1 прашок за печиво

За фил:

500 мл млеко
5 лажици густин
5 лажица какао
100 гр чоколадо за готвење
100 гр шеќер

Подготовка:

Во подлабок сад ги кршиме јајцата, го додаваме шеќерот и матиме со миксер додека не добиеме убава и пенеста смеса. Откако ќе се измати убаво, за да се растопи шеќерот ги додаваме маслото, брашното, вареното кафе, какаото, прашокот за печиво и мешаме со жица за матење.

Во тава за печење се истура пандишпанот и се пече 20 минути на 150 степени.
Откако тестото ќе се испече, го делиме на два еднакви делови.
Подготовката на филот започнува со тоа што во тенџере на оган се ставаат млекото, густинот, какаото, чоколадото и шеќерот. Додека се вари оваа мешавина, потребно е постојано да се меша.

Потоа се трга од оган и откако ќе остине, се филува тортата.
Декорацијата е по ваша желба.