За македонските одбојкари сè уште постои теорија за медал на Балканијадата

Фото: facebook.com/volleyballmkd

Поразот од Црна Гора е тежок удар, но за македонските младинци сè уште постои теорија за медал..

Македонските младински одбојкарски репрезентативци не успеаја да слават против Црна Гора и со тоа да обезбедат медал на Балканијадата во Приштина пред денешните натпревари од последното петто коло.

Избраниците на селекторот Ванче Санев играа променливо против Црногорците и без оглед што убедливо го добија вториот сет и израмнија, потоа не го задржаа ритамот изгубија со 3:1 (18:25, 25:15, 25:27, 20:25), со што паднаа на четвртото место на табелата.

Но, шансите за медал на шампионатот за играчи до 20 години сè уште постојат, а за да се оствари целта потребна е победа над Турција со три освоени бода, значи со 3:0 или, пак, со 3:1.

Во таков случај, доколку Црна Гора ја совлада Албанија, тогаш Македонија ќе има идентичен биланс со Турците и со Црногорците.

Видео на денот