Windows 7 дефинитивно заминува во историјата
Корисниците на персонални компјутери кои работат со „Windows 7“ треба да инсталираат понов систем за да избегнат евентуално хакирање бидејќи системот за поддршка на тој софтвер е прекинат.
Оперативниот систем „Windows 7“ повеќе нема да добива критични додатоци и ажурирања од 14 јануари (денеска), па така компјутерите ќе бидат поранливи од страна на хакерите.
Корисниците на персонални компјутери кои работат со „Windows 7“ треба да инсталираат понов систем за да избегнат евентуално хакирање бидејќи системот за поддршка на тој софтвер е прекинат.
Од денес, 14 јануари, „Windows 7“ веќе нема да добива дополнувања и ажурирања, што значи дека американскиот софтверски гигант „Microsoft“ нема да поправа никакви дефекти кои што се случуваат, што ќе ги направи компјутерите ранливи на хакери.
Според податоците на „NetMarketShare“ од крајот на минатата година, „Windows 7“ сè уште е еден од најпопуларните оперативни системи на „Microsoft“. На прво место е сегашниот „Windows 10“.
Безбедносните агенции ги предупредуваат корисниците дека доколку сè уште имаат стар систем дома, тие да не внесуваат чувствителни податоци, како пристап до банкарски сметки, е-пошта и други услуги.
Компјутерите со „Windows 7“ сè уште ќе бидат функционални, но не и безбедни.
Бизнисите што не се подготвени за транзиција, можат да го платат „Microsoft“ за проширена заштита до јануари 2023 година, иако услугата ќе биде од случај до случај и ќе се зголеми на крајот на годината.