Претседателот на Србија, Александар Вучиќ, денес индиректно потврди дека унгарската компанија МОЛ преговара со руската страна за купување на Нафтената индустрија на Србија (НИС), пренесува Н1.

Во изјава за новинарите пред српското Собрание, во таканаречениот Чациланд, кој е трансформиран во привремено новогодишно село, тој рече дека НИС ќе почне со набавка и преработка на нафта веднаш по празниците, а дека Рафинеријата ќе почне да работи со полн интензитет околу 18 јануари.

-Се надевам дека дотогаш Русите и Унгарците ќе ја завршат својата работа – рече Вучиќ, истовремено изразувајќи надеж дека ќе има доволно гориво за сите потреби во земјата.