Вучиќ најави комплетна ревизија на податоците на бројот на починати од ковид-19

Фото: МИА

Во Србија и понатаму не стивнуваат реакциите по изјавата на членот на владиниот кризен штаб, епидемиологот Предраг Кон, дека во периодот од март до јуни имало три пати повеќе починати од ковид 19 откоку што официјално било соопштено, јави дописникот на МИА од Белград.

Денес реагираше и претседателот на Србија, Александар Вучиќ, кој изјави дека Србија ќе направи целосна ревизија на податоците за бројот на смртни случаи од ковид-19 и дека државата не крие ништо.

-Србија ќе направи целосна ревизија за секоја смрт, за секое лице, да видиме како тоа изгледа. И тоа ќе го сторат клиничарите, изјави Вучиќ и додаде дека не смета дека тука ќе има многу големи разлики.

Тој порача дека државата не криела ништо и дека ќе работи транспарентно и во иднина.

Говорејќи за несовпаѓањето на податоците за бројот на смртни случаи од коронавирусот, Вучиќ кажа: “Горд сум на сите лекари, никој од нас не излажа ниту еден збор. Се слушнав со луѓето од Батут, тие велат дека имаат помалку смртни случаи”.

И министерот за здравство, Златибор Лончар, се огласи повторно денес со оценка дека „не се точни” информациите да има три пати повеќе починати од коронавирус.

-Стојам зад фактот дека ова не е засновано на никакви докази, тоа апсолутно не е точно, кажа Лончар.

Од друга страна, денес реагира и медицинските лица од здружението „Обединети против ковид” кои оценија дека признавањето на д-р Предраг Кон, да тој носел одлуки засновани на неточни информации е доказ дека „кризниот штаб не ја водел земјата добро низ пандемијата” и посочија дека епидемиолозите како што е д-р Кон, кои донесуваа одлуки засновани врз неточни информации, се опасноста по нацијата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот