Околу 33.000 вработени во „Луфтханза“ ќе добијат нови униформи. На интерната модна ревија во Франкфурт, авиокомпанијата претстави околу 40 парчиња облека, во соработка со модниот бренд „Бос“, објави ДПА.

Визуелниот идентитет останува класичен, во темносината и типичната жолта боја на „Луфтханза“.

Новите униформи вработените треба да добијат од четвртиот квартал.

Новите парчиња лесно можат да се комбинираат со постојните униформи на брендот „Стренес“. Тие биле воведени пред 24 години и сега постепено треба да се заменуваат.

На воведувањето му претходело обемно тестирање, во кое учествувале 150 вработени од пилотските кабини, кабинскиот персонал и копнените служби.

Тие ја претставиле новата облека и во промотивниот центар на „Луфтханза“. Особено добро биле прифатени повторно воведените темно синикошули и наметката во стилот на седумдесеттите години, кои претходно не биле дел од колекцијата.

Генералниот директор на „Луфтханза“, Јенс Ритер, ја опишал новата гардероба како визит-карта на компанијата.

– Униформата кажува кои сме, пред да изговориме некој збор – рекол Ритер.