Воен хеликоптер се урна денеска во воздухопловна база во источниот дел на Чешка, при што загина еден војник.

Хеликоптерот „УХ-1Y веном“ на чешката армија се урнал непосредно пред 13 часот по локално време во 22. хеликоптерска воздухопловна база во местото Намешт над Ославоу, во регионот Височина.

Во моментот на несреќата во леталото се наоѓале петмина војници.

„На местото интервенираат екипи од интегрираниот спасувачки систем. Дополнителни информации ќе објавиме веднаш штом дозволат околностите“, соопшти чешката армија.

Итната помош испратила четири копнени екипи и медицински хеликоптер од Јихлава, соопшти портпаролот на спасувачката служба Петр Јаначек.

— Едно лице не ја преживеа несреќата — изјави Јаначек, додавајќи дека на помош бил испратен уште еден спасувачки хеликоптер од соседниот регион Оломоуц.

ВИДЕО | Се урна хеликоптер во Саудиска Арабија, сите 14 лица загинаа