Рускиот министер за надворешни работи Сергеј Лавров го предупреди својот американски колега Марко Рубио за „неприфатливото продолжување на испораките на оружје во Украина“ за време на состанокот во главниот град на Филипините, Манила, соопшти руското Министерство за надворешни работи, јави Украинска правда.

Првата средба меѓу двајцата дипломати од септември 2025 година се одржа на маргините на состанокот на Асоцијацијата на земјите од Југоисточна Азија (АСЕАН) на Филипините и се случи во време кога напорите на САД за посредување во мировните преговори меѓу Киев и Москва се заглавени откако започна војната на Блискиот Исток кон крајот на февруари.

Лавров, во разговор со својот американски колега за прашањето на Украина, нагласи дека е неприфатливо да се продолжи со испраќање оружје до режимот во Киев, се вели во соопштението на руското министерство. Рускиот министер за надворешни работи, исто така, ја критикуваше дестабилизирачката политика на европските земји кои продолжуваат да се обидуваат да ѝ нанесат „стратешки пораз“ на Русија“, се додава во соопштението.

Лавров повтори дека руската страна е подготвена за политичко и дипломатско решение на конфликтот.

За време на состанокот, кој траеше повеќе од половина час, беше договорено да се продолжат контактите меѓу двете министерства за надворешни работи, вклучително и соработката во рамките на меѓународните организации. Според дипломатски извор, состанокот бил инициран од американската страна, објавија руските медиуми.