ВИДЕО | Крвав напад во Тајланд: сепаратисти убиле пет војници, повредени се и цивили
Група вооружени мажи синоќа нападна безбедносен контролен пункт во Јужен Тајланд, при што загинаа петмина припадници на паравоенските единици, а шест цивили беа повредени, објави „Бангкок пост“.
Препорачано
Шестмина мажи облечени во црно, кои се возеле во црн пикап „нисан“, го извршиле нападот врз контролниот пункт Букех Сами во областа Рангае, пукајќи со огнено оружје и фрлајќи импровизирани бомби направени од цевки, соопшти Командата за операции за внатрешна безбедност.
Во нападот загинале припадникот Тирајут Сомакерд и четворица доброволни припадници на паравоените единици. Меѓу шестмината повредени цивили имало и две деца.
Напаѓачите потоа побегнале. Безбедносните сили трагаат по нив.
Turut berdukacita pada prajurit yg gugur.🙏
Tragedi berdarah di Thailand menewaskan 5 anggota ranger paramiliter dan melukai 5 warga sipil (termasuk anak-anak) di pos pemeriksaan Buketa Sami, distrik Ra-ngae, Narathiwat.
Penyerangan ini disebut sebagai salah satu insiden paling… pic.twitter.com/d6ePoQ62nW— Anak 0gi (@NTRL_id) July 23, 2026
Нападот следуваше по експлозијата на автомобил бомба во близина на полициска станица во областа Муанг, во провинцијата Наративат, во вторникот вечерта.
Полковникот Екварит Чобчупол, заменик-портпарол на регионалната команда, го осуди „суровиот и нехуман“ напад, истакнувајќи дека се случил во населено место и дека сторителите не покажале никаква грижа за „страдањето на невини луѓе“.
Се проценува дека околу 7.700 луѓе загинале во насилни инциденти откако во 2004 година повторно се засилила активноста на бунтовниците во трите јужни погранични провинции.
Тајландската влада се обидува да го обнови мировниот процес, кој е во застој, преку повторно започнување на разговорите со сепаратистичката организација „Барисан револуси насионал“.
Танут Суварнананда, новиот главен преговарач на Тајланд, изјави дека преговарачкиот тим ќе ги земе предвид советите од сите групи погодени од насилството на југот.
