Основното јавно обвинителство Скопје отвори постапка против 30-годишен насилник поради сомнение дека со нож им се заканувал на сопружници што ја поседуваат фирмата во која работел во Трубарево, барајќи да му ги исплатат заостанатите дневници.

„Осомничениот 30-годишник со нож се заканувал на двајца сопружници во чија фирма работел, барајќи да му ги исплатат последните неисплатени дневници. На 21 јули попладне, кога мажот и жената со нивниот автомобил излегувале од фирмата во селото Трубарево, осомничениот им го попречил патот, застанувајќи пред возилото со нож во рацете. Агресивно замавнувал, ги навредувал и им се заканувал, а потоа со ножот им ја исекол левата задна гума од автомобилот. Оштетениот се обидувал да го смири, а неговата сопруга исплашена побегнала и влегла во казино во близина од каде повикала полиција“, соопшти обвинителството.

Јавниот обвинител до судијата на претходна постапка во Основниот кривичен суд Скопје достави предлог за определување мерки за претпазливост за осомничениот – забрана за напуштање на живеалиште/престојувалиште, привремено одземање на патната исправа и забрана за приближување до оштетените.

ФОТО+ВИДЕО | Македонка фатена на скопскиот аеродром со непријавен накит „Сваровски“ вреден 5.400 евра