Во Градски парк, каде во завчерашното страшно невреме паднаа голем број дрвја, ќе бидат засадени нови садници јавор и јасен, вкупно 60.

Садењето, како што информира градоначалникот Орце Ѓорѓиевски, започна денеска, откако во текот на вчерашниот ден се расчистуваа последиците што невремето и ударите на ветрот ги оставија во паркот.

„И ова е само почеток! Градскиот парк ќе го оплемениме со уште повеќе дрвја, зеленило и нови содржини. На местото на секое паднато дрво ќе никне нова надеж, а паркот повторно ќе биде уште позелен, поубав и подостоен за скопјани. Паралелно, нашите екипи продолжуваат со санирање на штетите низ целиот град“, информира Ѓорѓиевски.

ФОТО+ВИДЕО | Бесно невреме удри врз Скопје — орканскиот ветер корнеше покриви, кутна стотици дрвја