Две преслатки близначиња лемури се родија во Зоолошката градина во Скопје, кои веќе го разубавуваат живеалиштето со својата разиграност и љубопитност, соопштија од ЗОО Скопје.

Оттаму посочуваат дека лемурите се примати кои потекнуваат од Мадагаскар и се познати по своите долги опашки, големи очи и силно развиено чувство за заедница.

„Живеат во групи, комуницираат со звуци и мириси, а мајките се исклучително грижливи, носејќи ги своите младенчиња постојано со себе. Кај лемурите владее матријархат, односно женките се главни во своите групи. Овие нови животи се уште еден доказ за успешната грижа и посветеност на тимот во ЗОО Скопје“, стои во соопштението.

Пред малите лемури, на средината на март Зоолошката доби и друг нов жител – бебе пингвин од загрозениот вид хамболт.

ВИДЕО | Во скопската Зоолошка се роди пингвинче од загрозен вид