Висок полициски функционер е убиен утрово во кафуле во хрватскиот град Крапина. Во него пукал врсник, кој потоа се застрелал и со хеликоптер бил пренесен во болница, објави хрватски „Индекс“.

Од Крапинско-загорската полициска управа потврдија дека 52-годишен маж со огнено оружје усмртил 52-годишен полицаец, кој во моментот на инцидентот не бил на должност. Потоа, напаѓачот пукал во себе и со хеликоптер бил пренесен во Клиничката болница „Дубрава“.

Како што дознава хрватскиот портал „Индекс“, убиен е Роберт Грилец, раководител на Службата за криминалистичка полиција во Крапинско-загорската полициска управа.

Засега не е познато во каква здравствена состојба се наоѓа сторителот.

Во тек се криминалистичка истрага и увид со кои треба да се утврдат сите околности за овој настан.

ВИДЕО | Тешка несреќа во Хрватска: камион со македонски таблички удрил во далновод и се запалил, возачот загинал