Тиквите за Ноќта на вештерките сè уште не се ни исушиле, а Мараја Кери веќе го прогласи почетокот на својата божиќна сезона, со што се пофали на својот Инстаграм.

 

View this post on Instagram

 

A post shared by Mariah Carey (@mariahcarey)

Штом се изгаснаа последните свеќички за Ноќта на вештерките – Мараја Кери ги зеде работите во свои раце. Имено, пејачката го објави својот нов видео запис „It’s time“. Таа се пофали со долгоочекуваната вест на своите социјални мрежи.

„Време е“, напиша таа во описот под објавата, додека обожавателите ја обсипуваа со бројни коментари.

„Конечно“, „Кралицата официјално прогласи дека е ВРЕМЕЕЕЕЕЕ. Цела година го чекав ова“, „Најдоброто досега“, „Време е за кралицата“, „О Боже! Сега можам да спијам. Среќен Божиќ!!!“, „Те сакаме, Мими“, ѝ напишаа тие.

Мараја, со своето ново видео, кое веќе стана вирално, го отклучи празничното расположение во својот препознатлив, гламурозен стил.