Денеска од изутрина течат подготовките околу украсувањето на плоштадот „Македонија“, каде се поставува елката, се монтира платформа за настапи, а до попладне во 18 часот, кога е најавено осветлувањето на елката, веројатно ќе бидат поставени и сите светлечки 3Д фигури планирани за овој простор и другите елементи кои во наредните две недели ќе бидат дел од празничната атмосфера.

Минатата недела на плоштадот беа донесени и наредени дрвените куќарки во кои во претпразничните денови ќе се продаваат украси, храна и пијалаци. Но китењето на плоштадот и поставувањето на 13-метарската елка се спроведува денеска, согласно условите кои Град Скопје ги наведе во јавниот оглас на кој за оваа цел беше избрана фирмата  „Линк медиа плус“.