„Нападот“ на околу 50 овци во супермаркет во Баварија, Германија стана вирален, а вработените во продавницата „ги креваат рацете во воздух“, пренесува Дејли мејл.

Купувачите и вработените се обиделе да ги оттурнат животните удирајќи по шанковите, но тие останале внатре околу 20 минути. Според ЗДФ, тие „предизвикале апсолутен хаос“ фрлајќи производи на подот, кршејќи шишиња и оставајќи зад себе измет.

Инцидентот бил дочекан со хумор од страна на властите и медиумите. Германската амбасада во Лондон објавила фотографија од стадото во продавницата, придружена со сатиричен коментар.

50 runaway sheep ram-paged through a German supermarket in rural Baa-varia, causing shear mania on Monday morning.

After breaking away from their 500-strong herd, the brazen sheep spent 20mins milling around in the Penny supermarket before ewe-turning and seeing themselves out. pic.twitter.com/ZkdXvT7Jcb

— German Embassy London (@GermanEmbassy) January 7, 2026

Како што стана познато, овците биле отсечени од поголемо стадо од околу 500 животни. Нивниот сопственик проценил дека веројатно помешале торба за пазарење со кеса со храна за животни, што ги одвело до продавницата во потрага по храна.

Видеото стана вирално за многу кратко време и не без причина. Како што ќе видите, покрај безбројните блеења и во паниката, овците кршеле шишиња, фрлале производи од полиците, па дури и оставиле измет.