ВИДЕО | Трамп позира со пиштол од неговиот лик: „Морам да го купам!“
Поранешниот американски претседател Доналд Трамп позираше со пиштол со изгравирано лице на рачката за време на посета на продавница за оружје во Јужна Каролина. Портпаролот на Трамп, Стивен Чеунг објави видео на социјалните мрежи на кое се гледа како поранешниот претседател се восхитува на полуавтоматски пиштол.
„Морам да го купам. Сакам да го купам“, вели Трамп на видеото, пренесува Си-Ен-Би-Си.
Сепак, неговиот тим вчера ги отфрли шпекулациите дека Трамп го купил пиштолот за време на неговата посета на Јужна Каролина. Трамп, фаворит за републиканската претседателска номинација, оваа година е обвинет во четири одделни кривични случаи.
“I want to buy one.”
— Indicted former President Donald Trump while admiring a Glock at a campaign stop in South Carolina. A Trump spokesperson later said he purchased the gun, which would be an apparent violation of federal law. pic.twitter.com/UN05jcGhMH
— The Recount (@therecount) September 25, 2023
Федералниот закон им забранува на обвинетите лица да купуваат пиштоли. Сепак, федерален судија во Тексас го прогласи законот за неуставен минатиот септември. Во таа пресуда, судијата ја наведе одлуката на Врховниот суд која ги укина ограничувањата за оружје во Њујорк претходно истата година, доведувајќи ги во прашање голем број закони за контрола на оружјето.
Десетици илјади луѓе во САД умираат секоја година во инциденти поврзани со оружје. Повредите од огнено оружје се водечка причина за смрт кај децата и адолесцентите, покажуваат податоците на Центрите за контрола и превенција на болести (ЦДЦ).
Имало вкупно 48.830 смртни случаи поврзани со огнено оружје во 2021 година, последната година за која се достапни такви податоци за ЦДЦ. Тоа беше најголемиот број на смртни случаи од огнено оружје досега во САД.