Таткото на четирикратниот светски шампион во Формула 1, Макс Верстапен, доживеа сериозна несреќа за време на рели во Белгија. Јос Верстапен во неделата настапуваше на „Рели Валнија“ каде во еден момент со неконтролирана брзина удри во дрво.

Автомобилот претрпе значителни оштетувања, а снимките од местото на несреќата покажуваат дека предниот дел е целосно уништен. Сепак, и покрај драматичните сцени, 54-годишниот Верстапен и неговиот совозач поминале без повреди.

Организаторите набрзо потврдија дека екипажот е во добра состојба, но дека возилото е целосно неупотребливо, поради што Верстапен беше принуден да се повлече уште по првата брзинска етапа во Лојерс.

Ова не е прв ваков инцидент за Верстапен, минатата година тој имаше незгода на рели во Шведска, кога преголема брзина во свиок го однесе надвор од патеката.

La sortie de Jos Verstappen au rallye de Wallonie en Belgique. Équipage OK ! pic.twitter.com/DZPziSm8Og

— Rallye Sport (@RallyeSport) April 27, 2026