Американските медиуми јавуваат за традиционалната, специфична прослава на православниот Божиќ во гратчето Џексон во сојузната држава Калифорнија, во кое живее бројна заедница по потекло од Србија.

Повеќе од сто години, Србите во ова место во кое живеат околу 5.000 луѓе, на Божиќ се собираат во центарот и пукаат со пушки – секако, без боева муниција. За сачмарките се фаќаат и мажи и жени, а годинава можеше да се види како во придружба на нивните родители, пукаа и некои деца кои имаа само 10-11 години.

Бучната прослава и годинава беше посетена од жителите на Џексон и околните места.

Свештеникот Марко Бојовиќ од локалната православна црква, најстариот српски храм во САД, изграден во 1894 година, вели дека традицијата со пукањето е нешто како „примитивен огномет“.

„На еден начин, тоа било нешто како примитивен огномет. Пред да постои огнометот, така нашите предци го објавувале раѓањето на Спасителот“, изјави Бојовиќ.

Џексон е планинско место на планината Сиера Невада, недалеку од Сакраменто во внатрешноста на Калифорнија. Прославата на Божиќ во гратчето, на која годинава имаше и претставници од шестата генерација доселеници од Србија, беше традиционално придружена од десетина прасиња печени на ражен, а вечерта продолжи со музика и голема веселба.

ВИДЕО | Граѓани ја „почестија“ Ана Бекута со снежни топки зашто зела 40.000 општински евра за концерт