Белоруската атлетичарка Кристина Тимановскаја тврди дека била одведена на лет за Белорусија против нејзина волја, откако ги критикуваше тренерите на Олимпијадата во Токио.

– Барам помош од Меѓународниот олимписки комитет (ИОК). Под притисок сум и тие сакаат со сила да ме вратат во Белорусија, иако јас не се согласив на тоа – се зборовите на Тимановскаја.

Истакна дека нејзиниот живот е загрозен во родната Белорусија и побара азил во австриската амбасада во Токио.

Тимановскаја, која в понеделник треба да учествува на трката на 200 метри, на својот Инстаграм профил ги критикуваше официјалните лица од белоруската олимписка екипа.

Таа, меѓу другото, изјави дека била вклучена во штафетата 4 × 400 метри, иако никогаш досега не учествувала во таа дисциплина. Беше заштитена од Белоруската фондација „Солидарност за спортот“, која рече дека се плаши од присилна депортација во Минск.

❗️Kristina Timanovskaya asks the International Olympic Committee for help

«I am asking the International Olympic Committee for help,pressure has been put on me and they are trying to take me out of the country without my consent,so I am asking the @iocmedia to intervene in this» pic.twitter.com/W0TlSzI0Bh

— NEXTA (@nexta_tv) August 1, 2021

Се додава дека кампањата против неа е доста сериозна и дека тоа е јасен сигнал дека нејзиниот живот ќе биде загрозен во Белорусија, вели портпаролот на организацијата Александар Опејкин за агенцијата АП.

АП објави дека Тимановскаја ја алармирала јапонската полиција на аеродромот Ханеда и дека таа не се качила на авионот за Истанбул. ИОК, кој е во спор со Олимпискиот комитет на Белорусија, соопшти дека интервенираше и дека бара излез од ситуацијата, како и појаснување.

The IOC and Tokyo 2020 have spoken to Krystsina Tsymanouskaya directly tonight. She is with the authorities at Haneda airport and is currently accompanied by a staff member of Tokyo 2020. She has told us that she feels safe. /1

— IOC MEDIA (@iocmedia) August 1, 2021

– ИОК и организаторите во Токио водеа директни разговори со Кристина Тимановскаја. Таа е сега на аеродромот Ханеда со властите, придружувана од претставник на персоналот во Токио 2020. Таа ни кажа дека се чувствува безбедно, а ние ќе ја продолжиме комуникацијата со Кришина Тимановскаја и властите за да се одредат следните чекори во наредните денови – објавија од ИОК.