Аргентина со голем пресврт ја совлада Англија со 2-1 и се пласираше во финалето на Светското првенство, но по последниот свиреж вниманието не беше насочено само кон хероите на теренот.

Англичаните поведоа преку Ентони Гордон, но актуелниот светски шампион возврати со головите на Енцо Фернандез и Лаутаро Мартинез, кој го постигна победничкиот погодок по одличната акција што ја започна Лионел Меси.

Додека аргентинските фудбалери, стручниот штаб и навивачите еуфорично го славеа пресвртот, камерите уловија сосема поинаква реакција од селекторот Лионел Скалони.

Es simplemente maravillosa esta escena. pic.twitter.com/gKIdte84ky

— Lady Market (@ladymarketok) July 16, 2026

Наместо да скокне од клупата, Скалони остана мирно да седи, без речиси никаква емоција, внимателно следејќи што се случува на теренот и покрај тоа што неговата репрезентација беше на чекор до финалето.

ВИДЕО | Мундијалски вести: Меси против Јамал, Скалони против својот учител — кој ќе ја освои светската титула?

Ова не е првпат аргентинскиот селектор да реагира на ваков начин. Истото го направи и на Светското првенство во Катар во 2022 година, кога емоциите ги покажа дури по последниот судиски свиреж. Неговата филозофија е да остане максимално концентриран сè додека натпреварот не заврши, без разлика на резултатот.

Токму затоа и оваа негова смиреност по победничкиот гол повторно стана хит на социјалните мрежи и уште еднаш покажа зошто многумина го сметаат за еден од најсталожените селектори во светскиот фудбал.

Големите пожари во Канада го замаглија Њујорк пред мундијалското финале

ВИДЕО | Винчиќ се расплака кога дозна дека ќе го суди финалето на Мундијалот

Лаутаро во солзи по херојскиот гол против Англија: „Го сонував ова“