Фудбалската репрезентација на Македонија на 6 октомври ќе гостува кај Швајцарија во натпревар од Лигата на нации, а домаќините веќе го одредија местото на одигрување на дуелот.

Швајцарската селекција ќе ја пречека Македонија на стадионот во Луцерн, кој располага со капацитет од 16.800 гледачи.

На овој стадион Швајцарија последен пат настапи како домаќин пред две години, кога убедливо ја совлада Естонија со 4:0. Воедно, Луцерн важи за еден од нивните најуспешни терени, бидејќи единствениот пораз таму го доживеале во 2012 година, кога Романија славеше како гостин.

Македонската репрезентација ја очекува сериозен предизвик во новото издание на Лигата на нации. Покрај Швајцарија, во групата се наоѓаат и селекциите на Шкотска и Словенија.

Избраниците на македонскиот селектор Гоце Седлоски ќе гостуваат и во Глазгов против Шкотска, како и во Љубљана, каде што ќе се соочат со репрезентацијата на Словенија.