ВИДЕО | Штипјанецот обвинет дека ја грабнал и ја убил пријателката ништо не признава: „Да убиеш човек не е лесно“
Во Основниот суд во Штип денеска започна судењето на 74-годишниот Денис Асанов, кој е обвинет дека ја киднапирал 79-годишната Борјанка Николова, со која бил во лични блиски односи, ја држел затворена во неговиот дом, по што ја убил со остар предмет, а делови од нејзиното тело закопал во својот двор. Пред Судот, Асанов изјави дека не е виновен и дека воопшто не знае како се случило убиството, пренесе „СДК.мк“.
Препорачано
„Апсолутно не! Не сум го сторил кривичното дело. Да убиеш човек не е лесно“, рече Асанов пред судијата.
Според обвинителката Тања Кацарова, Асанов бил свесен кога го извршил делото и убиството го сторил со умисла. Според извршената обдукција, убиената жена имала осум скршени ребра, а во дворот било пронајдено обезглавеното тело на жртвата. Главата и двете нозе на убиената до денес не се пронајдени.
Денеска беше сослушана и сестрата на убиената жена, која по пет дена трагање, го пријавила исчезнувањето. Судењето ќе продолжи на 18 март, пишува „СДК.мк“.
Расчистено свирепо убиство во Штип: Грабнал и убил старица, ја закопал во дворот
