ВИДЕО: Се урна трибина полна со навивачи на познатиот „Монументал“ во Чиле
Застрашувачка ситуација се случи на стадионот на познатиот чилеански клуб Коло Коло кога под притисок на навивачите се урнал еден дел од трибината.
На стадионот „Монументал“, кој има околу 45.000 седишта, домашните навивачи го следеа отворениот тренинг на својот клуб пред големиот натпревар против Универзидад Католика во првенството на Чиле.
Тренингот заврши неочекувано и на шокантен начин кога дел од трибината не ја издржа тежината на навивачите и пропадна.
El momento exacto en que cayó el techo del Estadio Monumental 🚨
Tras esto, el plantel de Colo-Colo se fue a los camarines y se dio por finalizado el Arengazo 😯
📽️: @prensapopularcl pic.twitter.com/SsHPdu8Ddh
— Sentimiento Popular (@prensapopularcl) September 30, 2022
Во тој момент веќе имаше неколку илјади навивачи, но и на трибината под таа што се урна. Според медиумите, повредени се повеќе од десет луѓе, а за среќа никој не е во животна опасност.
Универзидад Католика треба да гостува веќе во ова коло, а навивачите се собраа да ги прослават 33-те години од овој стадион, кој очигледно не е во најдобра состојба.