ВИДЕО | Рецепт за брз појадок или вечера од бајат леб и јајца: Евтино, вкусно…
Ако ви останал леб од претходниот ден, а не сакате да правите пржени лепчиња, туку нешто поинакво, ви го предлагаме овој рецепт. Во тава измешајте и испржете ги јајцата, лебот и сирењето, па послужете ги за појадок или вечера. Ова јадење лесно се прави и состојките се евтини.
Препорачано
Состојки:
– 2 парчиња леб
– 2 пиперки
– 1/2 кромид
– 2 чешниња лук
– 5 јајца
– малку тврдо сирење
– магдонос
Подготовка:
Лебот исечкајте го на коцки, па ставете го во тава која претходно малку сте ја загреале. Извадете го лебот од тавата, па во неа сипете малку маслиново масло. Додадете сечкана пиперка, кромид и лук, па пропржете додека зеленчукот не омекне. Вратете го лебот и промешајте.
Одделете ги жолчките и белките, а потоа додајте ги белките во тавата. Покријте и пржете 3-4 минути, потоа тргнете го капакот и посипете со рендано сирење. Направете вдлабнатина на 5 места, па во секое ставете по една жолчка. Покријте и пржете уште 4 минути. Посипете со сечкан магдонос.
