Шест години по учеството на Евровизија, каде ја престави Македонија со песната „Dance Alone“, пејачката Јана Бурческа ѝ се враќа на македонската музичка сцена со песната „Home Alone“.

Бурческа вели дека конечно се чувствува подготвено да ѝ се врати на музиката.

Текстот на песната е дело на Бурческа, а автори на музиката се пејачката и младиот музичар Драги Иванов. Звукот на „Home Alone“ е финиширан со мастеринг од германскиот платинест инженер на звук Рој Реклиз.

Видеозаписот за песната го реализираше режисерот Ѓорги Вацев.