Фудбалерите на Ливерпул го победија денеска на гостински терен Нотингем форест со 1:0, во натпреварот од 27 коло во Премиер лигата.

Тимот од „Енфилд“ ја имаше многу повеќе топката во свој посед и повеќе удари кон голот на ривалот, а единствениот погодок во 99 минута го постигна Дарвин Нуњез.

„Црвените“ се првопласирани на табелата со 63 бодови, четири повеќе од Манчестер сити кој има натпревар помалку. Нотингем форест е на 17 позиција со 24 бодови.

Тотенхем со пресврт успеа да го совлада Кристал палас (3:1). Гостите поведоа со голот на Езе во 59 минута, а домаќините до крајот на мечот стрелаа преку Вернер во 78, Ромеро во 80 и Сон во 88 минута.

Во другите денешни натпревари: Брентфорд – Челси 2:2, Евертон – Вест хем 1:3, Фулам – Брајтон 3:0 и Њукасл – Вулверхемптон 3:0.