ВИДЕО | Нов трејлер за „Harry & Meghan“: Сѐ е валкана игра, никој не ја знае целосната вистина

Фото: Скриншот/Јутјуб

Денеска беше објавен нов трејлер за долгоочекуваната документарната серија „Harry & Meghan“, посветена на принцот Хари и неговата сопруга Меган Маркл.

Филмската платформа Нетфликс најави дека првите три епизоди ќе бидат достапни веќе во четврток, а во нив познатата двојка ќе зборува за нивниот однос со британското кралско семејство.

Принцот Хари и Меган Маркл се повлекоа од кралските должности и се преселија во Калифорнија пред две години, а оттогаш ја критикуваа британската монархија и ги обвинија за расизам, нешто што кралското семејство го негираше.

Принцот Хари и Меган Маркл
Принцот Хари и Меган Маркл / Фото: EPA-EFE/FACUNDO ARRIZABALAGA

Принцот во своите интервјуа сугерираше дека едвај зборува со остатокот од семејството, особено со неговиот татко, кралот Чарлс Трети и постариот брат, принцот Вилијам.

„Никој не ја знае целосната вистина. Ние ја знаеме целосната вистина“, вели принцот Хари во трејлерот.

Фото: EPA-EFE/SEM VAN DER WAL

Меѓу другото, принцот Хари се осврна и на персоналот на кралското домаќинство, кој протекува информации во медиумите.

„Постои хиерархија во семејството. Знаете дека протекуваат информации, но има и измислување приказни. Тоа е валкана игра“, вели тој.

Исто така, принцот Хари зборува и за „болката и страдањето на жените кои се мажат во оваа институција“, додека се вртат фотографии од неговата мајка, покојната принцеза Дијана и неговата снаа, принцезата Катерина.

Сѐ до овој момент, Бакингемската палата сѐ уште нема излезено со официјален коментар за документарната серија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот