Серијата „Bridgerton“ го воодушеви светот со својата прва сезона, која од минатиот месец е достапна на Нетфликс, а фановите од почетокот се прашуваат дали ќе гледаат и продолжение.

За оние кои не се запознаени, серијата настанала по серијалот книги на Џули Квин, кои се дури осум, но прашањето е дали сите ќе бидат екранизирани? Изгледа дека да!

Втората сезона веќе се изработува, а креаторот на серијата Крис Ван Дусен во едно интервју откри дека би сакал да ги сними сите 8 сезони од серијата.

Во првата сезона во фокусот беа Дафне и Симон, но серијата има толку интересни ликови, што значи дека во другите сезони ќе можеме да ги видиме и другите „Bridgerton“ браќа и сестри.

Дали серијата ќе има повеќе продолженија зависи од успехот и гледаноста на првата сезона, а неофицијално се шушка дека „Bridgerton“ ги срушила сите рекорди.

Материјал за уште 7 сезони секако има – книгите од серијалот се напишани така што секоја книга се занимава со еден брат или сестра како главни во „Bridgerton“ семејството, додека последната се занимава со сите.

Првата книга и беше посветена на Дафне, а втората на нејзиниот брат Антониј и неговиот љубовен триаголник.