ВИДЕО: Митревски блескаше на голот за прва победа на Порто во Лигата на шампионите
Во рамките од 11 коло во ЕХФ Лигата на шампионите составот на Порто пред своите навивачи убедливо со 32:23 го совлада Динамо Букурешт.
Ова е прв триумф сезонава за Португалците во групата „А“, а еден од најзаслужните за успехот против Романците беше Никола Митревски. Македонскиот репрезентативен голман блескаше на денешниот меч со 13 одбрани.
Од неговите клупски колеги први стрелци беа Турин и Кристенсен со по седум голови. На спротивната страна по шест погодоци имаа Кудуз и Акименко.
На табелата води ПСЖ со 18 бодови, пред Веспрем кој има 16, трет е Магдебург со 14, по 11 имаат ГОГ и Динамо Букурешт, следува ППД Загреб со осум, пет има Висла Плоцк, а Порто до сега има три.
Во продолжение погледнете дел од фантастичните одбрани на нашиот чувар на мрежата од натпреварот против Динамо Букурешт:
🇵🇹 Um, dois, três – three saves from Nikola Mitrevski! 🔝
We are wondering what these Goalkeepers had for breakfast! 😅 @FCPorto | #ehfcl | #HandmadeHistory pic.twitter.com/DaoCK1tjZd
— EHF Champions League (@ehfcl) February 8, 2023
