ВИДЕО: Меси фантастичен, Аргентина во полуфиналето на „Копа Америка“

epa09321795 Argentina's Lionel Messi celebrates after scoring against Ecuador, during the Copa America 2021 quarterfinals soccer match between Argentina and Ecuador, at the Pedro Ludovico Teixeira Olympic Stadium in Goiania, Brazil, 03 July 2021. EPA-EFE/Fernando Bizerra Jr

Аргентинците го обезбедија пласманот во полуфиналето на „Копа Америка“ откако рутински во четвртфиналниот натпревар го совлада Еквадор со 3:0.

Повторно блескаше Лионел Меси кој реализираше нов гол од слободен удар и воедно запиша две асистенции.

Во 23 минута Меси ја погоди стативата, а во 40 минута асистираше до Родриго де Пол за водство од 1:0 за „гаучосите“.

Долго стоеше тој резултат, а во 84 минута следуваше втората асистенција на Лео, овој пат стрелец беше Лаутаро Мартинез. Точка на мечот стави Меси со прекрасен погодок од слободен удар во судиското надополнување (90+3`).

За пласман во големото финале Аргентина ќе игра против Колумбија која на пенали со 4:2 го елиминираше Уругвај, откако мируваа мрежите во регуларниот дел.Во пенал серијата кај Уругвајците прецизни беа Кавани и Суарез, а неуспешни од белата точка Хименез и Вина. На спротивната страна сигурни беа Запата, Санчез, Мина и Борја.  Вториот полуфинален пар во ова јужноамериканско натпреварување е Бразил – Перу.

Видео на денот