ВИДЕО: Македонскиот репрезентативец Ристовски прв стрелец во словачката лига
Во прав момент Милан Ристовски ги продолжува одличните настапи за екипата на Трнава пред новите репрезентативни обврски во октомври.
Неговиот клуб триумфираше убедливо денеска на гостувањето кај Дунајска Стреда со резултат 0:3, а голем придонес во победата имаше македонскиот напаѓач.
Гол-серијата ја започна бразилскиот интернационалец Кабрал во четвртата минута, а нашиот 23-годишен напаѓач го дотолчи противникот со два гола во 42 и 66 минута од средбата.
Ристовски во девет настапи веќе има пет голови и се наоѓа на врвот на листата најдобри стрелци во најсилниот словачки шампионат заедно со Кадак од Тренчин и Сукиса од Сеница.
За Трнава ова е трета победа по ред, шеста сезонава и моментно со Слован Братислава на табелата го дели врвот со по 20 бодови.
Дунајска Стреда – Трнава, Милан Ристовски 0-2 pic.twitter.com/DL8ZEGfoM0
— Sport 88 (@FidanFidanmk) September 26, 2021
Дунајска Стреда – Трнава, Милан Ристовски 0-3 pic.twitter.com/PatxbrWa3E
— Sport 88 (@FidanFidanmk) September 26, 2021