ВИДЕО: Ливерпул го совлада Ватфорд, „црвените“ на врвот во Премиер лигата
Продолжува победничката серија на Ливерпул во Премиер лигата, со резултат 2:0 на својот „Енфилд“ го совлада Ватфорд.
На тој начин играчите на Јирген Клоп се повторно лидери во генералниот пласман, со два бода повеќе од второпласираниот Манчестер сити кој својот меч од 30 коло ќе го има денеска на гостувањето кај Барнли.
„Црвените“ стигнаа до својот 22 триумф сезонава со головите на Диого Жота во 22 минута после асистенцијата на Гомез, а конечниот епилог го постави Фабињо од пенал во 89 минута.
Ватфорд се бори за опстанок во елитата, моментно е во опасната зона за испаѓање на 18 место со 22 бодови.
Во следното коло Ливерпул на 10 април ќе гостува на „Етихад“ во дербито против Сити, а Ватфорд еден ден порано ќе го пречека Лидс.