Термалниот комплекс Џијангмао Мангу во кинеската провинција Џангси стана вистински хит на социјалните мрежи благодарение на необичниот концепт кој им овозможува на гостите од некои вили директно да влезат во вода, пренесува „Б92“.

Наместо класични патеки меѓу сместувачките единици, низ целиот комплекс се протега мрежа од канали за пливање, поради што посетителите и корисниците на интернет го споредуваат со италијанската Венеција.

✨🇨🇳 In Xingguo, Jiangxi, China, the Jiangmao Mangu Hot Spring Resort features a 1.5km Venice-style water lane running through its villas. Guests can jump into the water directly from their rooms, making it a popular summer getaway for families and travelers. pic.twitter.com/CuK07hzsye

— 🇨🇳XuZhenqing徐祯卿 (@XueJia24682) July 21, 2026

Комплексот е отворен во 2025 година и располага со вили и околу 300 соби. Низ одморалиштето поминуваат четири водни патеки со вкупна должина од околу 1,5 километри, а на посетителите им се достапни и 28 базени со природна термална вода, голем воден плоштад, базен со вештачки бранови, спа центар, сауна, фитнес сала, ресторани и содржини наменети за деца.

Најголемо внимание привлекуваат вилите со директен пристап до каналите, каде што гостите можат денот да го започнат со пливање веднаш по излегувањето од собата или од терасата. Токму овој детаљ стана главната атракција на одморалиштето и причината поради која снимките од комплексот привлечеа огромен интерес на интернет.

Сè повеќе хотели ширум светот се обидуваат на гостите да им понудат поинакво и незаборавно искуство, а овој кинески комплекс е пример како сместувањето може да стане главна туристичка атракција, а не само место за престој.

ВИДЕО | На Тасос се крие природен базен кој изгледа нереално — еве како да стигнете до „Солзата на Венера“