Неодлучноста во врската често се толкува како недостаток на интерес, но психологот Сузан Краус Витборн предупредува дека зад таквото однесување може да се кријат многу подлабоки причини. Повикувајќи се на ново истражување, таа објаснува дека подготвеноста за сериозна врска може да зависи од личноста, стравот од одбивање и средината во која личноста пораснала, пишува „Сајколоџи тудеј“.

Што се крие зад неодлучноста?

Според Витборн, партнерот кој се двоуми не мора да значи дека не е заинтересиран.

„Одлуките поврзани со љубовните односи често се проследени со неизвесност, внатрешни конфликти и несигурност, што ги спречува луѓето брзо и цврсто да донесат одлука“, објаснува психологот.

Таа додава дека неодлучноста често е поттикната и од стравот од одбивање.

Шест знаци дека не е подготвен за сериозна врска

Според психологот, ова се најчестите показатели:

– чувствува анксиозност кога треба да донесе одлука поврзана со врската;
– тешко носи одлуки, дури и кога станува збор за едноставни ситуации;
– долго ги преиспитува своите одлуки и тешко ги остава зад себе;
– му треба многу време и за најмалите одлуки;
– постојано ги одложува важните одлуки;
– не е сигурен што навистина очекува од врската.

Витборн посочува дека оваа листа се темели на скала развиена од истражувачи на Универзитетот во Кјото за процена на неодлучноста во меѓучовечките односи.

„Личноста која не може да одлучи дали сака да биде со вас можеби е силно чувствителна на одбивање, но на тоа може да влијаат и културните и семејните фактори“, вели таа.

Сепак, психологот смета дека ваквата неодлучност не мора да биде причина веднаш да се откажете од врската.

„Ако сте подготвени да почекате, можеби вреди да му дадете време на неодлучниот партнер самостојно да ја донесе одлуката што на крајот ќе донесе исполнетост за двајцата“, заклучува Витборн.

Три знаци дека сте премногу толерантни во врската и се занемарувате себеси