Ким Кардашијан сподели детали за, како што самата го нарече, „лудото преспивање“ со Бритни Спирс, приказна што веднаш предизвика огромно внимание во јавноста.

Ким беше гостинка во поткастот на својата сестра Клои Кардашијан, „Клои во земјата на чудата“, каде зборуваше за некои од најинтересните моменти во својот живот. Во таа прилика, Клои ја праша како дошло до тоа Бритни да „заврши во кревет со неа“ во ноември 2025 година, пренесува „Дејли мејл“.

„Таа е вистинска кукла, најнежната личност“, изјави Ким за Бритни, додавајќи дека целото дружење било организирано од менаџерот на пејачката, Кејд Хадсон.

„Сакавме да се видиме, таа дојде кај нас и едноставно поминавме време заедно. Вистинско дружење за девојки“, објасни Ким.

Таа откри и дека со Бритни се познавале и од порано, како и дека пејачката посакала опуштено, женско дружење, далеку од јавниот притисок. Сепак, според Клои, приказната брзо „излегла од контрола“.

„Насекаде се пишуваше дека имавме лудо заедничко преспивање, а всушност стануваше збор само за девојки кои се дружат“, појасни Ким.

Да потсетиме, Ким ја заинтригира јавноста кога на Инстаграм објави снимки од пижама-забава на која присуствуваа таа, Клои и Бритни. Реакциите беа толку бурни што дел од јавноста дури се прашуваше дали фотографиите се автентични или станува збор за содржина создадена со вештачка интелигенција.