Синот на пејачката Антонија Гиговска и музичарот Роберт Спасенцовски – Џокер, Киан, веќе ги покажува своите музички таленти, следејќи ги чекорите на своите родители. Токму тоа може да се забележи од прекрасното видео кое Роберт го сподели на својот инстаграм-профил.

Во видеото, малечкиот Киан, со помош на својот татко, успеа да ги опее нотите кои беа отсвирени на клавир, а како награда доби голем аплауз и топол бакнеж.

Роберт на видеото напиша дека е горд на „нивниот пејач“.

Истото видео го сподели и Антонија на својот Инстаграм профил, среќна што Киан веќе ги следи нивните чекори.

На 14 јуни, Киан наполни две години, а неговите родители секое слободно време го посветуваат на него, уживајќи во заедничките моменти. Антонија и Роберт се грижат за тоа секој ден да биде исполнет со смеење, игра и љубов, создавајќи убави и незаборавни спомени за својот син, кои често ги споделуваат и на социјалните мрежи.

Иако мал, Киан веќе ужива во музиката, а со таква поддршка од мама и тато, сигурно го очекува блескава иднина.