ВИДЕО: Ја критикуваа поради лаги и стереотипи, но „Емили во Париз“ добива и втора сезона

Фото: Принтскрин/Јутјуб

Нетфлик штотуку даде зелено светло за снимањето на втората сезона од серијата „Емили во Париз“, на Дарен Стар, авторот на „Сексот и градот“, „Беверли Хилс 90210“ и др.

Новостите доаѓаат само еден месец по премиерата на серијата на почетокот на октомври. „Емили во Париз“ ја претставува младата американска маркетинг менаџерка Емили (Лили Колинс), која се обидува да стекне репутација во Градот на светлината.

Фото: Принтскрин/Јутјуб

Французите во голема мера ја критикуваа серијата, исткнувајќи дека е „полна со лаги, клишеа и стереотипи“, додека другите гледачи уживаа во неа, говорејќи дека „едноставно е забавна“.

Дека втората сезона официјално е потврдена, ни потврдува и видеото кое е објавено на Твитер профилот на Нетфликс. Во снимката можеме да ја видиме целата актерска екипа, од која секој на свој начин, ја слави оваа вест.

Покрај Лили, во серијата своите улоги ги остварија и Ешли Парк, Лукас Браво, Филипина Лирој-Бољ, Вилијам Абади, Камиј Раза, Бруно Жуери и Семјуел Арнолд.

Датумот зза премиера на втората сезона се уште не е познат.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот