Младиот инфлуенсер Ноа Томас (19) се соочува со законски последици откако прескокнал ограда и влегол во просторот со слон во зоолошката градина во Питсбург. Инцидентот се случил на 21 септември во „Pittsburgh Zoo & Aquarium“, а снимка што Томас ја споделил на ТикТок го прикажува како прескокнува ограда и се приближува до голема преграда зад која се наоѓа слонот.

Животното му се приближило, а во еден момент се обидело да го допре со сурлата, додека тој инстинктивно се повлекол назад. По краток „перформанс“, Томас повторно ја прескокнал оградата, додека изненадените посетители го гледале целиот настан.

„За малку бев слонова храна“

Во описот на сега избришаната објава на Инстаграм, Томас го опишал инцидентот како момент кога „за малку ќе станев храна на слонот“.

Обвинувања: загрозување, суровост кон животните и кражба на услуги

Сепак, властите го сфатиле неговиот „подвиг“ многу сериозно. Според официјалните записи на полициската управа на Питсбург, Томас се соочува со низа обвинувања, меѓу кои, кривично дело од трета категорија за предизвикување или ризик од катастрофа, незаконско влегување, прекршоци од втора категорија за агрозување на друга личност, суровост кон животните, како и кражба на услуги, бидејќи влегол во зоолошката градина без платена влезница.

Обид за влез преку „привремен излез“

Според кривичната пријава Томас и една неименувана жена влегле во зоолошката градина преку привремен излез што се користи за време на реновирање. Неколку посетители го пријавиле инцидентот на вработените, а обезбедувањето наскоро го лоцирало парот во делот со аквариумите, тие веднаш бие изнесени надвор.

Според последните информации, Томас сè уште не се предал на полицијата, а ниту тој ниту неговите претставници не одговориле на барањата од медиумите за коментар.