ВИДЕО | Им ја посвети Олимпијадата на загинатите родители: Гестот на Максим Наумов го расплака светот на ЗОИ 2026
Американскиот лизгач со руско потекло,Максим Наумов, со еден гест на Зимските олимписки игри 2026 предизвика силни емоции кај публиката ширум светот. Годинава тој ги претставува Соединетите Американски Држави во уметничко лизгање, но малкумина очекуваа дека ќе приреди толку трогателен момент.
Препорачано
Откако го заврши својот впечатлив настап, 24-годишниот Максим им оддаде почит на своите родители, кои минатата година трагично го загубија животот во авионска несреќа.
Неговите родители, Евгенија Шишкова и Вадим Наумов, беа поранешни светски шампиони во уметничко лизгање. Непосредно пред неговото деби, на екранот во „Milano Ice Skating Arena“ се појави пораката:
„Мамо и тато, ова е за вас“.
Maxim Naumov’s message at the 2026 Winter Olympics pic.twitter.com/YQa4XnRxGw
— jordan mendoza (@jordan_mendoza5) February 10, 2026
По брилијантниот настап, Максим покажа заедничка фотографија со нив, погледна кон небото и рече:
„Видете што направивме“.
Иако во Милано пристигна како целосен аутсајдер, Наумов освои 85.65 поени и го зазеде 12. место, резултат што за него има многу поголемо значење од самата позиција.
„Тие ми се инспирација уште од првиот ден кога застанавме заедно на мразот“, изјави Максим.
